Vex plantan Linnaea borealis á Íslandi og hefur hún eitthvað íslenskt heiti?

Svar

Plantan Linnaea borealis er lágvaxin skógarbotnsplanta og nefnist á íslensku lotklukka. Hún vex í Norður-Ameríku og Evrasíu. Í Evrópu vex lotklukkan í Skandinavíu, á Bretlandseyjum og á meginlandi Evrópu, norðan Alpafjalla. Einnig vex hún víða í fjalllendu svæði Austur-Evrópu og í Ölpunum.

Lotklukkan vex ekki villt á Íslandi og ekki heldur í Færeyjum eða á Grænlandi.

Plantan Linnaea borealis nefnist á íslensku lotklukka.

Lotklukkan er nefnd eftir Svíanum Carl von Linné (1707-1778) en hann hefur oft verið kallaður faðir flokkunarfræðinnar. Linné var einnig þekktur sem Carl Linnaeus eða Carolus Linnaeus. Hafði Linné mikið dálæti á plöntunni.

Mynd:

• en.wikipedia.org - Linnaea. Sótt 24.2.2012.