Átti Hitler konu og börn?

Svar

Adolf Hitler, leiðtogi þýska nasistaflokksins og kanslari Þýskalands, átti eiginkonu í tæpa tvo sólahringa. Þann 29. apríl 1945 gekk hann í hjónaband með Evu Braun, ástkonu sinni til margra ára. Þann 30. apríl sviptu þau sig lífi, hún tók inn blásýru en talið er að Hitler hafi skotið sig strax eftir að hafa tekið inn blásýru. Hitler átti engin börn.


Hitler og Eva Braun voru hjón tæpa tvo sólahringa.
Þar sem Hitler var barnlaus eru engir beinir afkomendur frá honum komnir. Hann átti fimm alsystkini en aðeins systir hans, Paula (1896-1960), lifði fram á fullorðinsár. Hún giftist aldrei og átti engin börn og það sama er að segja um bróður hennar. Hins vegar átti Hitler tvö hálfsystkini, Alios (1882-1956) og Angelu (1883-1949), sem bæði gengu í hjónaband og eignuðust afkomendur.

Frekari fróðleikur á Vísindavefnum:

• Hvað hét kona Adolfs Hitlers? eftir Rebekku Lynch
• Hvar er Adolf Hitler grafinn? eftir EDS
• Hvað hét Hitler, nákvæmlega til tekið? eftir Stefán Jónsson
• Eru til nákvæmar tölur yfir hvað Hitler drap marga til samans? eftir Gísla Gunnarsson
• Hvaða lönd hertók Hitler og í hvaða röð? eftir Lilju Kristinsdóttur

Heimildir og mynd:

• Adolf Hitler á Wikipedia. Skoðað 19. 3. 2010.
• Eva Braun á Wikipedia. Skoðað 23. 3. 2010

Í heild sinni hljóðaði spurningin svona:

Átti Hitler einhver börn? Eða konu? Ef svo er hvernig dóu þau og hvað hétu þau?