Mundi gos í Eyjafjallajökli geta breytt Seljalandsfossi, árfarvegi eða útliti?

Svar

Hraunrennsli frá Eyjafjallajökli sem næði niður að Seljalandsfossi kæmi helst úr gossprungum vestan til á þessu eldstöðvakerfi, vestan jökulhettunnar, en þar hefur ekki gosið í mörg þúsund ár og engin merki eru um að kvika sé að leita þangað. Hraun úr gosi á þeim slóðum, ef til kæmi, gæti breytt árfarvegi og fossi.

Hraun renna eftir lægðum í landinu og leita gjarnan í árfarvegi og geta runnið langar leiðir eftir þeim.


Ekkert bendir til þess að hraun frá eldgosinu á Fimmvörðuhálsi sem hófst í mars 2010 hafi áhrif á Seljalandsfoss.
Frekari fróðleikur á Vísindavefnum:

• Kemur Kötlugos í kjölfarið á þessu gosi í Fimmvörðuhálsi? eftir Guðrúnu Larsen
• Hvers konar hraun kemur úr Fimmvörðuhálsi? eftir Níels Óskarsson
• Hvað er eldgos? eftir Ármann Höskuldsson

Mynd: Mats: Íslandsmyndasafn © Mats Wibe Lund