Hver er íbúafjöldi Jamaíku?

Svar

Á Jamaíku bjuggu 2.682.100 manns í lok árs 2007 samkvæmt upplýsingum frá hagstofu landsins.

Jamaíka er eyja sunnan af Kúbu. Höfuðborgin heitir Kingston. Eyjan er þriðja stærsta eyja Karíbahafs, 240 km að lengd, 80 kílómetra breið og 10.991 km² að flatarmáli. Hún er hálend eldfjallaeyja og þar er hitabeltisloftslag.



Kólumbus "fann" eyjuna árið 1494 og tókst Spánverjum að útrýma innfæddum á skömmum tíma. Jamaíka var spænsk nýlenda þangað til Bretar hertóku hana árið 1655. Eyjan fékk heimastjórn árið 1944, árið 1958 varð hún hluti af Sambandsríki Vestur-Indía og lýsti síðan yfir sjálfstæði árið 1962. Jamaíka tilheyrir Breska samveldinu og þar er töluð enska.

Heimildir og kort:

• Jamaica á Wikipedia.org
• Íslenska alfræðiorðabókin. Reykjavík: Örn og Örlygur, 1990.
• Statistical Institute of Jamaica
• Kort: CountryReports.org

---

Þetta svar er eftir nemendur í Háskóla unga fólksins, námskeiðum á vegum HÍ fyrir 12-16 ára ungmenni í júnímánuði 2009.