Hvað er gigt?

Svar

Upprunalega hljóðaði spurningin svona:

Hvað eiga allir gigtsjúkdómar sameiginlegt sem réttlætir að orðið gigt sé notað yfir þá alla? Það er að segja, hvað er gigt?

Á heimasíðu Gigtarfélags Íslands er að finna eftirfarandi skilgreiningu á gigt:

Samkvæmt skilgreiningu Alþjóðaheilbrigðismála-stofnunarinnar (WHO) vísar heitið Rheumatic diseases til sjúkdóma í bandvef og svo sársaukafullra kvilla í stoðkerfi líkamans. Á íslensku máli er gigt samheiti yfir slíka sjúkdóma. Hinir sérstöku gigtsjúkdómar teljast hátt á annað hundrað.

Jafnframt eru þar taldir upp helstu flokkar gigtsjúkdóma og eru þeir:

• Bólgusjúkdómar
• Iktsýki
• Rauðir úlfar og skyldir sjúkdómar
• Fjölvöðvabólga - húðvöðvabólga
• Herslismein
• Fjölvöðvagigt
• Æðabólgur
• Hrygggikt
• Reiterssjúkdómur (fylgigigt)
• Psoriasis liðagigt
• Barnaliðagigt
• Liðbólgur tengdar sýkingum
• Kristallasjúkdómar, til dæmis þvagsýrugigt
• Slitgigt
• Vöðva- og vefjagigt - festumein og skyldir sjúkdómar
• Beinþynning

Á Vísindavefnum eru nú þegar allnokkur svör um gigtsjúkdóma sem nálgast má með því að smella á efnisorð hér fyrir neðan. Einnig er áhugasömum lesendum bent á að kynna sér efni á vef Gigtarfélagsins þar sem fjallað er nokkuð ítarlega um ýmsa gigtarsjúkdóma. Sömuleiðis má finna umfjöllun um gigtsjúkdóma á Gigtarvefnum og á Doktor.is.