Af hverju stinga geitungar?

Svar

Geitungar, líkt og margar aðrar dýrategundir, eru búnir vopnum sem þeir beita bæði til fæðuöflunar og varnar. Þessi vopnabúnaður getur verið af ýmsum toga svo sem broddar eða eiturframleiðsla. Hjá geitungum eru það eingöngu kvendýrin sem geta stungið, það er drottningar og þernur, enda er broddurinn að uppruna til varppípa.

Þýskir geitungar.
Þeir fjölmörgu Íslendingar sem hafa orðið fyrir stungum geitunga undanfarin ár hafa á einhvern hátt ógnað geitungum, því þeir stinga menn aðeins í sjálfsvörn. Geitungarnir stinga okkur þess vegna ef þeim finnst að við ógnum þeim.

Frekara lesefni á Vísindavefnum:

• Deyja geitungar þegar þeir stinga og eru stungurnar hættulegar fólki? eftir Gísla Má Gíslason og Margréti Björk Sigurðardóttur
• Hvað fara geitungar yfirleitt langt frá búi sínu í fæðuleit? eftir Jón Má Halldórsson

Mynd:

• Laboratory of Entomology

---

Þetta svar er í flokknum "bekkirnir spyrja" þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur.