Hver er mest spilaða íþrótt í heiminum og hvernig lítur topp tíu listinn út?

Svar

Fótbolti virðist vera í efsta sæti á flestum listum sem við höfum séð fyrir vinsælustu eða mest spiluðu íþrótt í heimi, sama hvaða aðferð er notuð til að raða íþróttagreinum á listann. Þeir sem hafa áhuga á að skoða lista á Netinu um vinsælustu íþróttagreinarnar geta til dæmis athugað þessa leitarniðurstöðu.

Fótbolti er sennilega mest spilaða íþrótt í heimi.

Hins vegar virðist vera annað og flóknara mál að finna út hvaða íþrótt er í öðru sæti, svo ekki sé talað um að fylla út í heilann topp tíu lista. Við finnum engar staðfestar heimildir um fjölda iðkenda algengra íþrótta eins og krikkets, blaks, tennis eða borðtennis, sem eru þó þekktar vinsælar íþróttagreinar.

Víða á Netinu má finna lista sem raða þekktum íþróttagreinum í vinsældar- eða stærðarröð, en höfundar listana geta hvergi heimilda svo það er engin leið að staðfesta hver þeirra, ef einhver, hefur rétt fyrir sér.

Þar sem við höfum engin nákvæm svör getum við reynt að vísa til almannaróms, en samkvæmt honum eru eftirfarandi íþróttagreinar með þeim mest spiluðu í heimi. Þær birtast hér í engri sérstakri röð: fótbolti, krikket, innihokkí, tennis, borðtennis, blak, rúgbí, körfubolti og golf.

Tengt efni á Vísindavefnum:

• Fyrir hvað stendur FIFA? Hvenær og hvar var það stofnað? eftir Þór Jónsson og Einar Sigurðsson.
• Hvað eru mörg fótboltalandslið í heiminum? eftir Þorstein Gunnar Jónsson.
• Myndin er úr safni Wikipedia.

---

Þetta svar er eftir nemendur í Háskóla unga fólksins, námskeiðum á vegum HÍ fyrir 12-16 ára ungmenni í júnímánuði 2009.