Hvað er liðmús?

Svar

Liðmús (e. joint mouse) er aðskotahlutur í liðholi, einkum í hné eða olnboga. Oftast er um að ræða brjósk- eða beinörðu sem hefur losnað við sköddun á liðnum, til dæmis við slys eða vegna slitgigtar. Lesa má um slitgigt í svari Magnúsar Jóhannssonar við spurningunni: Hvað er slitgigt?

Liðmús veldur því oft að liðurinn læsist og hreyfing orsakar sársauka. Einnig getur fylgt bólga og brak í liðnum. Liðmús er yfirleitt fjarlægð með skurðaðgerð.

Heimildir og mynd:

• Íslenska alfræðiorðabókin. Reykjavík: Örn og Örlygur, 1990.
• SymptomTracker
• Ontario Ministry of Agriculture and Food