Íslenskt stjörnukort fyrir marsmánuð

Á Stjörnufræðivefnum er hægt að nálgast íslenskt stjörnukort ásamt leiðarvísi fyrir byrjendur í stjörnuskoðun. Kortið miðast við himininn yfir Íslandi eins og hann lítur út á kvöldin í mars. Á vefnum er einnig stjörnukort af himninum sem uppfærist í rauntíma.

Meðal þess sem er að finna á himninum í marsmánuði eru reikistjörnurnar Mars og Satúrnus. Í litlum stjörnusjónauka má sjá hringa Satúrnusar sem örmjótt strik og Mars sem litla hringskífu. Óríon og stjörnurnar í Vetrarþríhyrningnum eru einnig áberandi á suðurhimni skömmu eftir sólsetur.

Mars þekkist ágætlega af rauðleitum lit.