Afmælismálþing Vísindavefsins

Vísindavefur HÍ er tíu ára í dag. Á afmælisdaginn verður haldið málþing um vísindamiðlun í fyrirlestrasal Þjóðminjasafnsins. Málþingið fer fram þann 29.1.2010 frá klukkan 14-16.

Dagskráin er þessi:

• Vísinda- hvað?, Guðrún Bachmann, kynningarstjóri HÍ
• Að hugsa á íslensku - um fræðin, Sigurður Svavarsson, útgefandi hjá Opnu
• Vísinda- og rannsóknamiðlun til almennings: Þáttur HÍ og fjölmiðla, Ágúst Kvaran, prófessor í eðlisefnafræði
• Vísindi efla alla dáð - en eiga þau erindi í fréttir?, Valgerður Jóhannsdóttir, aðjúnkt við meistaranám í blaða- og fréttamennsku
• Vísindamiðlun og ungt fólk: Tölum við sama tungumálið?, Margrét Björk Sigurðardóttir, líffræðingur og starfsmaður Vísindavefsins

Málþingið er öllum opið á meðan húsrúm leyfir.

Þeir sem lifa og hrærast á Fasbók geta fengið nánari upplýsingar um málþingið á þessari Fasbókar-síðu. Þar er einnig hægt að tilkynna komu sína á málþingið.





Fyrirlestrarnir voru hluti af 10 ára afmæli Vísindavefsins og lokahátíð YOSCIWEB-verkefnisins